Gwamnatin Zamfara ta umarci Adamu Alieru da ya dawo da ₦biliyan 22

Gwamnatin jihar Zamfara ta nemi tsohon gwamnan jihar Kebbi, Sanata Adamu Aliero da ya mayar da kudade sama da Naira biliyan 22 asusun jihar wandaaka yi zargin an samu daga kamfaninsa-Allied Trading Firm- a matsayin kudaden kwangilar don hade garuruwa 75 da kauyukan kasa a 2013.

Kwamishinan ayyuka da sufuri na jihar, Engr. Isah Mayana, ya bayyana hakan ne a ranar Laraba a karshen taron majalisar zartarwa ta jiha a gidan Gwamnati dake Gusau.

Ya ce gwamnatin da ta gabata a karkashin tsohon gwamna Abdulaziz Yari ce ta ba da kwangilar ta sama da Naira biliyan 25.

Kwamishinan ya yi zargin cewa tun daga wannan lokacin, ci gaban ayyukan da kamfanin ya samu ya wuce kashi 60% kawai, don haka yazama dole gwamnatin yanzu ta gwamna Bello Mohammed Matawalle ta soke kwangilar.

Majalisar zartarwa ta jihar ta hada baki daya ta amince da soke wasu kwangilolin guda biyu ta Naira biliyan 27 kowannensu.

Su ne ayyukan samar da ruwan sha na karkara da aka bayar a shekarar 2013 ga Kamfanin Zongho na kasar Chana wanda ya sha bamban da kashi 13 da 75 cikin dari.