AN KIRKIRO ƘUNGIYAR MASU WALLAFA LABARAI A YANAR GIZO MASU ZAMAN KANSU A JIHAR ZAMFARA.

Ƙungiyar mai suna “ZAMFARA NEW MEDIA OPERATORS FORUM” (ZANMOF) an samar da kungiyar ne saboda inganta tare da tsaftace harkokin watsa labarai a yanar gizo. An kirkiro kungiyar ne saboda tsaftace harkokin yanar gizo ta fannin yada labarai  musamman a kafafen sada zumunta domin yaki da kaucewa yada labarun karya wadan da ke kassara duniyar mu musamman kasar mu Najeriya.

Lokaci da kungiyar ke zaman tattaunawar

Masu amfani da kafofin yanar gizo waje rubuce-rubuce da shafuka na gidajen jarida da na talabijin a yanar gizo a jihar Zamfara. A ranar Lahadi 21-03-2021 Sun yi zama na samar da wata kungiya wacce zasu dinga magana da yawu daya da aiki kafada da kafada a karkashinta domin cigaban al’ummar jihar Zamfara kwata.

Haka zalika an samar da kungiyar ne domin bam bance mutane masu zaman kansu a kafar yanar gizo wadan da ke da gidajen Jarida, da na talabijin da Rediyo, da mashahuran mawallafa, da sauran al’umma gama gari wadan da ke amfani da yanar gizo musamman a kafofin sada zumunta. 

A zaman tattaunawar an samar da shuwagabanni na rikon kwarya na mutum shida wadan da za su ja ragamar kungiyar na wa’adin watanni shida.

An zabi; 
Dr Anas Sani Anka, Shugaban Thunder Blowers, a matsayin shugaba (Chairman ).

 Abdulmalik Saidu Maibiredi, Shugaban Mai Biredi TV, a matsayi Sakataren kungiyar,  ( Secretary).

Abdulsamad Kabiru Musa, shugaban Jaridar Jekadiyar Zamfara a matsayin mai magana da yawun kungiyar (P. R. O).

Yusuf Hashimu Sani Shugaban Behsan TV a matsayin sakataren tsare-tsare ( Organizing Secretary).

Sai Masha hurin Dan jaridar nan kuma mawallafi Baba Halliru Andi a matsayin ma’ajin kungiyar (Treasure).

Rashida Haruna shugaban RH TV a matsayin Mai kula da walwalar Kungiyar (Welfare).

Haka zalika an kafa kwamiti kan tsara tsarin Mulki da dokoki, an ba wa kwamitin makwanni biyu aiki ya  gabatar da daftarin rahoton a gaban kungiya don tattaunawa da amincewa.

A dayan bangaren kuma  an sake kafa wani karamin kwamiti don tsara rijistar kungiya ta hukumar kula da harkokin kamfanoni da rijistar asusun a jiyar kudi.

📮 Abdulsamad Kabiru Musa        State P.R.O ( ZANMOF)